Kështu është shprehur nëna e Alket Rizait, personit që mban peng gardianët në një burg të Greqisë. Donika Rizai, e shqetësuar për padrejtësitë që sipas saj i janë bërë të birit, i kërkon kryetares së parlamentit dhe shtetit shqiptar të ndërhyjnë për të vendosur drejtësi.
Ajo thotë se ka folur me të birin pak para se ai të merrte peng gardianët dhe ishte i qetë. Donika Rizai thotë se për veprimin e të birit ndihet krenare, pasi vetëm kështu mund të vendoset drejtësia.
“Coje deri në fund atë që ke nisur sepse je i pafajshëm. Ka 13 vite që po të mban peng greku. I lutem shtetit të ndërhyjë për këtë çështje. Djali nuk ka bërë asgjë dhe e kam thënë gjithmonë. Djali im nuk është kriminel.
Të njëjtin mendim kanë edhe bashkëqytetarët e Alketit në qytetin e Ballshit: “Nuk ka drejtësi dhe nuk ka shtet sepse po të kishte, nuk do të ishte në burg.”
0 comments